聶廣男,八十後,香港某大學畢業,主修資訊科技,I.T.新晉,靜待「上位」機會。對社會有不滿,未能置業,但比上不足,比下又有餘。傾向建設多於破壞,亦相信積極建言比將一切推倒來得實際。
作者其他博評
【精選文章】盲反派又籌錢?「伏味」好濃喎!
【精選文章】盲反派又籌錢?「伏味」好濃喎!

早排「香港保釣行動委員會」成員郭紹傑同嚴敏華,忽然愛國走去日本靖國神社外放火燒垃圾被捕,面臨日本法庭嘅檢控;成個行動嘅總司令,保釣行動召集人曾健成近日出嚟道歉,話自己錯判形勢,原本以為會好似2012年果次反日行動咁,會「即拉即放」,勢估唔到日本政府今次咁認真正式檢控咁話。「香港保釣行動委員會」近日就喺網上發起眾籌,希望可以為郭、嚴兩個籌得70萬港元「保釋金」。廣男唔會批評上述兩人嘅行為,但一睇到反對派中人又玩眾籌,真心都想問一聲:而家就話籌錢要保釋金,轉頭會唔會變咗「守護公義基金」咁,啲捐款嘅用途變咗第二樣,Fake啲支持者架?

 

說到底 又係要籌錢


郭、嚴二人去日本靖國神社燒嘢畀人拉咗,好多網民話佢哋戇居、抵死甚至「坐足一世監」,廣男就唔評論呢點喇,因為佢哋咁做係「真愛國」,定係「明玩嘢」,大家自行判斷啦。廣男反而想講,盲反派近年籌款籌得「愈來愈密」,用法又「愈來愈亂」;大家首先要問一句,今次籌錢畀保釋金,之後要上庭等等,筆數又點計?


大家諗下,之前有班盲反派議員宣誓玩嘢畀人DQ,盲反派班人就搞個「守護公義基金」,幫班被DQ人士籌咗幾百萬元;之後「風向一轉」,「守護公義基金」又可以變成支援違法「佔領九疑犯」,廣男就「R爆頭」,班人唔係要自首、承擔罪責以完成「公民抗命」最後一步咩,而家唔認罪仲要用另一個基金啲錢打官司,係咪真係「守護公義」呢?


另一個例子,就係民主黨立法會議員林卓廷、尹兆堅為咗炒作UGL事件,搞咗個「天下為公」計劃籌咗二百幾萬元,除咗用啲錢請律師、拍片等等,仲用籌番嚟啲錢飛嚟飛去,一時去英國投訴,一時又話去澳洲舉報,錢就用咗喇,但完全搵唔到新證據,甚至英國嘅執法機構表明前特首梁振英冇違法;更重要嘅係,林卓廷已經好耐無公布過「天下為公」財政狀況。所以盲反派一話叫人捐錢,廣男一定會質疑,「今次啲錢要點用法先?」回想起呢啲事,廣男仲係覺得「警訊」味道好重下!


冇事反對派 有事中國人?


講番曾建成為郭、嚴二人籌錢呢單嘢,除咗要睇佢籌錢點用,轉頭會唔會有用咗喺其他地方之外,大家仲要諗一個重要問題,就係佢哋出事之後,託人向香港入境處等政府部門求助,乜佢哋唔係專門反政府、逢政府就反嘅咩?平時冇事就係咁踩同反對政府,例如郭紹傑喺「違法佔領」期間仲要做埋所謂金鐘「佔領區糾察長」,擺明反政府、反中央,而家有事先諗起政府、中央有用?因乜唔搵平時倚賴開嘅外國勢力去打救自己呀?


明知呢兩個被告平日都係「反中反政府」,但國家外交部同特區政府一樣肯無條件幫佢兩個,老實講,真係唔係個個國家都做到咁大量囉,真心希望佢兩個經過今次事件之後,確切明白到中國香港人喺外地出事,最終都只有中央同特區政府會伸出援手,日又反、夜又反,最終受害嘅只會係香港市民!


圖片來源:RTHK

9
搞笑咩
4
嬲爆
1
超無奈

評論