出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
【精選文章】大難臨頭各自飛,係民主黨STYLE?
【精選文章】大難臨頭各自飛,係民主黨STYLE?

民主黨成員林子健之前因為疑自編自導自演「釘書釘」書件,稱自己畀內地人員「擄走」,結果被警方以「向警務人員虛報有人犯罪」拘捕同檢控,案件日前喺西九龍裁判法院開審,違法佔領發起人戴耀廷同民主黨前主席何俊仁都有到場旁聽,但之前同林子健「並肩作戰」,同林子健一齊出嚟疑「作故仔」嘅民主黨立法會議員林卓廷,就完全唔見人。有網媒就以「昔日好兄弟 今日做契弟」形容林卓廷「失蹤」,囍雨睇到呢件事,完全感受到咩叫人情冷暖,原來當一個人冇利用價值嘅時候,無恥政客諸如林卓廷,可以咁無情!


當日群星拱照 今日孤苦伶仃


囍雨仲記得當日林子健開記者會,話自己畀內地人員「擄走」同喺佢大脾釘上「釘書釘」嘅時候,可以話係「群星拱照」,除左「不問是非,有水必抽」嘅政棍林卓廷之外,盲反派元老級人馬包括民主黨李柱銘、何俊仁以至工黨李卓人等,都有陪林子健開記者會;而家林子健被告,何俊仁可以話有啲人情味,仲有到庭旁聽,其他人去咗邊?「好錫」林子健嘅李柱銘呢?同林子健好好「兄弟」嘅林卓廷呢?乜原來大難臨頭各自飛,就係「民主黨Style」呀?


撇除林卓廷等政棍有冇人性、人情味呢啲問題,喺林子健被踢爆涉及「作故仔」、「屈內地人員」後,林卓廷作為有份指控內地人員嘅一個政客,仲要係立法會議員,佢有冇行出嚟作進一步交代?有冇就事件向公眾道歉?囍雨就唔多見喇!更加重要嘅係,據傳媒報道,林子健喺「事發」後係同民主黨一班領導層商量過先決定要出嚟開記者會嘅,到底有冇人教唆犯罪或者串謀犯罪?囍雨都真係好想知!


林卓廷只顧政治利益 不顧昔日手足情義


誠如全國政協副主席梁振英所言,林子健案件開審,「當日坐在林子健身邊開記者會的林卓廷呢?」之前民主黨有59人退黨,當中有58個都係新界東支部嘅人(林卓廷根據地),仲有好多將矛頭指向林卓廷,直指林卓廷「人格卑劣」、「毫無政治道德」;睇嚟經過林子健嘅「釘書釘」事件,大家可以話林卓廷「人格卑劣」、「毫無政治道德」同埋「只顧政治利益,不顧昔日手足情誼」!

圖片來源:文匯報

9
嬲爆
5
唔係呀哇
3
好慘呀

評論