輕輕放過「癲鴿峯」?
輕輕放過「癲鴿峯」?

民主黨立法會議員許智峯(下稱「癲鴿峯」)喺立法會強搶女EO手機,被警方正式落案檢控;外界除咗關注「癲鴿峯」最後會唔會被定罪外,亦都好關心民主黨會點處理呢條咁嘅枯枝。近日民主黨主席胡志偉就話民主黨紀委會展開嘅紀律聆訊,較早時因為無辦法取得女事主口供同閉路電視等資料,所以已經暫停咗,但隨住法律程序會披露更多證據,相信紀委會將再開展聆訊云云。廣男到而家仲記得,民主黨喺「癲鴿峯」搶手機發生後講過會21日內展開紀律聆訊小組,而家民主黨一拖再拖,唔通係想放生「癲鴿峯」呢個令個黨蒙羞嘅黨員?

 

全部都係藉口!

 

之前已經有人質疑過,民主黨一時話「21日內展開紀律聆訊小組」,一時又話要等司法程序完成根本就係玩「拖字訣」;廣男認為,民主黨唔係執法機構,一早就知道佢哋唔會有女事主口供,更加唔會無端端攞到閉路電視資料,而家以此為由無理暫停「癲鴿峯」嘅聆訊,擺明就係「拖」!如果真係要等到司法程序完成加民主黨內部聆訊完成先算,咁以無罪假定嘅原則嚟睇,「癲鴿峯」應該「暫時」仲係無辜架喎,咁民主黨啲領導層同埋「癲鴿峯」本人做乜要向公眾鞠躬道歉呢?

 

民主黨啲領導層同「癲鴿峯」之所以發生「搶手機」事件後向公眾鞠躬道歉,根本就係因為民主黨知道呢單嘢根本就係「癲鴿峯」錯晒;單單睇呢件事嘅表面證據,就足以作內部聆訊同盡快處分,唔需要等咩司法程序、女事主口供等等,而家「癲鴿峯」認有搶架嘛,咁唔係已經可以處分喇咩?而家民主黨係咁拖延紀律聆訊,只會畀人一種包庇、狼狽為奸甚至係「癲鴿峯」同謀嘅感覺。

 

講到尾都係為議席?

 

民主黨之所以係咁拖延處分癲鴿峯,除咗係想暫時冷處理事件,等佢單案判咗先再諗計外;廣男覺得民主黨其中一個重要考量,就係議席問題。「癲鴿峯」作為民主黨內唯一一個港島區立法會議員兼區議員,如果而家就踢咗「癲鴿峯」出黨,咁即係自己即刻少咗個立法會同區議會議席。相反,如果等單嘢拖到後年9月再算(如癲鴿峯被定罪然後上訴,案件拖到後年絕不為奇),到時立法會進行換屆選舉,民主黨再搵人頂替「癲鴿峯」出選港島,即係變相唔使處理件事。廣男想溫馨提示民主黨,包庇一個議員、保住一個議席,代價隨時係賠上整個黨嘅名聲,作為從政者做嘢都係公道啲好!

3
嬲爆
0
搞笑咩
1
超無奈

評論