出生於七十年代未,成長於八十年代。緬懷所謂的Good Old Days,對香港部份人時常嗟天怨地感無奈,認為香港仍然是「只要努力,仍有出頭天」的福地,不擅書寫中文,寧寫口語。
作者其他博評
李怡「神邏輯」 想屈香港「大陸化」
李怡「神邏輯」 想屈香港「大陸化」

FCC(香港外國記者會)副主席馬凱簽證不獲續期,盲反派「如獲至寶」日夜狂砌政府戕害「新聞自由」,不過講嚟講去都解釋唔到,一個組織、組織領導人物搞活動協助「港獨」份子做宣傳,唔係因為採訪報道受到「算帳」,點解係同「新聞自由」有關係。囍雨今日睇新聞,見到《生果報》李怡都嚟蹚呢趟渾水,話政府強調香港冇「大陸化」,反證佢哋推行「大陸化」但又竭力要掩蓋嘅心虛;唔好意思,囍雨真心唔明呢個到底係乜邏輯,定查實李怡已淪落成為文痞,寫文已經去到唔需要講邏輯,讀者「不要問只要信」嘅境界呢?

 

文痞、政客加《生果報》全力為馬凱護航

 

自從馬凱簽證事件曝光後,盲反派同盲反派喉舌媒體都即時開盡Turbo為馬凱護航,當然佢哋講嘅嘢係咪有道理就係另一回事啦;好似李怡咁,佢話喎,一個有正常認知嘅人,喺今天香港嘅態勢下,根本唔可能相信馬凱不獲續期係入境處處長嘅決定,亦相信唔係特首林鄭月娥嘅決定,林太同內地官媒同一口徑強調香港冇大陸化,「反證他們既推行『大陸化』又竭力要掩蓋的心虛」。老實講,大家明唔明李怡講咩呀?唔明,梗係唔明啦,「神邏輯」點會係正常人睇得明架!

 

囍雨即管分析吓佢講緊乜,李怡呢段論述,前提係「馬凱不獲續期唔可能係入境處處長嘅決定,亦唔可能相信係特首林鄭月娥嘅決定」,咁大家首先要問一句,點解呢個決定「唔可能」係政府做先?李怡有咩理據去論證自己呢個睇法?如果單憑佢一己臆測就得出呢個前設,咁說服力真係非常麻麻囉!

 

文痞知道自己講緊乜嗎?

 

李怡冇乜說服力嘅前設,結合埋佢話政府強調香港冇「大陸化」,反證政府推行「大陸化」又竭力要掩蓋嘅心虛,個道理就好似講緊一個人強調自己冇講大話,其實係反證呢個人講大話又要心虛,大家撫心自問呢個說法通唔通。根據呢個道理,咁其實《生果報》同李怡都唔使報道、唔使寫評論架喎,因為無論佢哋做乜、講乜、寫乜,一樣可以無啦啦被人視為「講大話」,而當佢哋澄清自己冇講大話嘅時候,其實即係「唔認又要心虛」;相反,若佢哋認係講大話,咁即係真係講大話啦,即係毫無公信力可言喎!李怡,你到底明唔明自己講緊乜先?

 

囍雨就覺得,有時做人、做評論都係公道啲好,如果政府或者某嘅公眾人物講咗一啲嘢,做傳媒嘅唔信或者質疑當然可以;但如果政府或者公眾人物講咗唔係,然後傳媒或者評論員話「政府話唔係即係佢認咗係仲要心虛掩飾」,咁就實在太屈機喇!


原圖:《蘋果日報》截圖

5
嬲爆
3
驚訝
7
唔係呀哇
2
無意見

評論