忙放假
忙放假

本文作者為立法會議員李慧琼


復活節假期結束前一天,單日有71萬人次入境回港。假期回來後,大家在數說「戰績」。

 

女朋友:「我哋得唔夠三日時間,KO咗大阪、京都,大滿足呀!」

 

爸爸:「兩公婆二打五,3個細路加埋阿爸阿媽,返到屋企坐落梳化嗰吓,同老婆對望咗一眼······」

 

老闆娘:「啲高鐵飛好難買呀!個女買到,咁佢又得呢幾日假,咁有孝心,做少兩日生意都去啦!不過其實我都心痛個女,佢平日返工已經好累······」

 

假期去去旅行,離開忙碌的生活,充充電,是一件好事。但筆者留意到,很多時候我們的生活,總離不開工作時忙工作,放假時忙放假。

 

忙放假,大約就是放假前做好放假時的安排和規劃,到放假時落實執行。有些人說,忙放假有時比忙工作更累。

 

朋友P幾年前跟我說:「Starry,有一次我去咗內地一個小城,嗰度有個叫做『客棧』嘅地方,可以畀人租住,或者入去飲杯嘢,其中『客棧』寫住有一樣可以提供嘅服務,就係『放空』,我覺得幾得意,但諗深一層,其實我哋去旅行,係咪一定要趕景點、趕行程、趕打卡PostFacebookIG呢?我哋去到一個陌生嘅地方,放低個電話,停下靜下,吸啖當地嘅空氣,其實都唔錯吖······」

 

P的說話,令我至今都有很深的感受。

 

原文轉載自《都市日報》 2019425


原圖:RTHK

(本文純屬作者個人意見,不代表『港人講地』立場。)
1
支持
2
好正
0
無意見

評論