顯示數目 
時事博客
囍雨  |  3星期2日

前公民黨成員曾健超因為襲警罪成,被判監五星期,本來社工註冊局已經裁定曾健超違反專業操守,計正應該會紀律處分,例如短暫「釘牌」令佢暫時冇社工做,但偏偏社工註冊局開完兩次會都冇決定,大有「放生」曾健超嘅嫌疑;事實上,社工註冊局主席倫智偉作為認同「公民抗命」嘅大黃絲,想「放生」曾健超真係一啲都唔出奇。

不過,近日囍雨見到倫智偉所屬嘅「社會工作者總工會」(下稱「社總」)話計劃向新加坡律師專業團體投訴立法會何君堯失當行為,囍雨真係覺得好可笑;佢哋作為社福界工會,唔處理犯下刑事罪行、違反操守嘅曾健超,走去搞法律界嘅何君堯,佢哋係太得閒?定係唔想理曾健超單嘢,玩轉移視線?

專業人士 要有操守?

社總要投訴何君堯得唔得?當然得啦,佢哋有權利投訴佢哋認為行為失當嘅人,只不過,佢哋所公開嘅內容就有啲可笑喇,佢哋話作為專業人士,希望新加坡方面嘅律師公會執行應會員應有嘅嚴格操守,事件證據確鑿,何君堯就應該被考慮紀律處分,包括停牌、吊銷牌照等等。見到社總呢番「義正詞嚴」嘅說話,囍雨第一時間就諗起曾健超!

操守有問題?曾健超被裁定違反專業操守啦!事件證據確鑿?曾健超連監都坐完喇喎?停牌、吊銷牌照?曾健超點解未停牌?囍雨唔喺社工註冊局入面,唔知度入面嘅社總成員係咪全部投票反對曾健超「停牌」,但綜觀傳媒報道,註冊局主席、社總核心成員倫智偉就投咗關鍵一票等曾健超唔駛「停牌」,如果社總真係咁重視專業操守,倫智偉佢哋做乜又唔支持紀律處分曾健超呢?(如果囍雨有錯,社總成員有喺註冊局入面贊成曾健超「停牌」,請各方指正,囍雨高度表揚贊成處分曾健超嘅正義行為!)

倫智偉支持公民抗命

一句到尾,其實社總班人尤其係倫智偉根本就係「不理是非,立場行先」,試問如果一個工會要維護專業,點會唔贊成紀律處分曾健超,喺度拖延甚至反對處分呢?至於社工註冊局主席倫智偉,曾經喺參選註冊局時候講過「若有社工因公民抗命,被定罪而影響註冊,實屬荒謬」,睇嚟要佢哋依照社工專業守則處分曾健超,真係難過登天!

原圖:singtao

其他推介

搜尋

博客